انٹرنیشنل رینکنگ ٹینس عقیل خان کوارٹر فائنل میں پہنچ گئے

SWAT:
عقیل خان، عثمان رفیق، محمد عابد، عمران شوکت، ہیرا عاشق ، عثمان اعجاز، احمد چوہدری اور یاسر خان پی ٹی ایف کمپلیکس اسلام آباد میں جاری انٹرنیشنل رینکنگ ٹینس ٹورنامنٹ کے مینز سنگلز کوارٹرفائنلز میں پہنچ گئے۔


مینز سنگلز کے پہلے راؤنڈ میں عقیل خان نے عباس خان کو 6-0 اور 6-1 سے شکست دی، یاسر خان نے احمد مراد کو 6-0 ، 6-0 سے ہرایا،ایم عابد نے پی اے ایف کے شہزاد کیخلاف6-2 ،6-1 سے کامیابی حاصل کی، مینز سنگلز پری کوارٹرفائنل میں عقیل خان نے حمزہ بن آصف کو 6-0 اور 6-2 سے قابو کیا، عثمان اعجاز نے طلحہٰ بن آصف کیخلاف6-2 ، 6-2 سے کامیابی حاصل کی ، ایم عابد نے شہزاد خان کو 7-6 (9)،6-2 سے ہرا دیا۔

عمران شوکت نے ثنااللہ خان کو 6-3 اور 7-6 (6) سے مات دی، ہیرا عاشق نے حسنین منظور کو6-1 اور 6-2 سے زیر کیا، عثمان رفیق نے جبران الحق کیخلاف6-2 ، 6-2 سے کامیابی پائی ، احمد چوہدری نے شاہد آفریدی کو6-1،6-3 سے ہرایا، یاسر خان نے احمد بابر کو 6-4 اور 6-2 سے قابو کیا۔ بوائز انڈر 18کے کوارٹرفائنلز میں حسنین منظور نے امان عتیق کو 6-1 اور 6-3 سے زیر کیا، طلحہٰ بن آصف نے ایم وامق کو 6-3 ، 6-1 سے مات دے دی، سید نوفل کلیم نے نمیل زید کو6-2 اور7-5 سے ہرایا،حمزہ بن آصف نے محمد مہدی پر اسٹریٹ سیٹس میں 6-0 اور 6-0 سے غلبہ پایا۔