ٹی 20 ورلڈ کپ آئرلینڈکوچ میکڈرمٹ کی مدد سے آسٹریلوی دیوارڈھانے کیلیے پُرعزم

آئرلینڈ ٹوئنٹی 20 ورلڈ کپ میں کوچ کریگ میکڈرمٹ کی مدد سے آسٹریلوی دیوار ڈھانے کیلیے پُرعزم ہے۔


گذشتہ برس انگلینڈ کے خلاف ورلڈ کپ میچ میں 50 گیندوں پر سنچری جڑنے والے کیون اوبرائن کا کہنا ہے کہ سیمی پروفیشنل آئرش سائیڈ کو اگلے ہفتے کینگروز سے ٹکرائو کا کوئی خوف نہیں ہے، نئے کنسلٹنٹ اور بولنگ کوچ کریگ میکڈرمٹ کی مدد سے ہم آسٹریلوی حکمت عملی کو سمجھنے کی کوشش کررہے ہیں، وہ ہمیں حریف ٹیم کے بارے معلومات فراہم کررہے ہیں۔

یاد رہے کہ میکڈرمٹ نے رواں برس کے آغاز میں آسٹریلیا ٹیم کے بولنگ کوچ کی ذمہ داری چھوڑی تھی۔ اوبرائن کا کہنا ہے کہ ہم اس ٹورنامنٹ کا پورے اعتماد کے ساتھ انتظار کررہے ہیں، ہمیں اس ایونٹ میں کسی بھی ٹیم سے گھبرانے کی کوئی ضرورت نہیں ہے۔یاد رہے کہ آئرلینڈ اور آسٹریلیا کے درمیان ورلڈ کپ میچ 19 ستمبر کو ہوگا۔