ایشیا کپ میں روایتی حریف پاکستان اور بھارت کا ٹاکرا آج ہوگا

بنگلا دیش میں ہونے والے ایشیا کپ کا چھٹا اور اہم میچ آج روایتی حریف پاکستان اوربھارت کے درمیان کھیلا جائے گا۔

ایشیا کپ کے اس اہم میچ میں روایتی حریف پاکستان اور بھارت ایک دوسرے کو زیر کرنے کے لیے بھرپور تیاری کے ساتھ میدان میں اتریں گی۔ مقامی وقت کے مطابق میچ دوپہر ایک بجے شروع ہوگا،قومی ٹیم کی قیادت مصباح الحق جبکہ بھارتی ٹیم کی قیادت مہندرا سنگھ دھونی کی غیر موجودگی میں ویرات کوہلی کررہے ہیں۔

واضح رہے بھارتی ٹیم اپنے دوسرے میچ میں سری لنکا کے ہاتھوں شکست سے دوچار ہوچکی ہے جبکہ پہلے میچ میں بنگلا دیش کو شکت دے چکی ہے اسی طرح پاکستان بھی اپنے پہلے میچ میں سری لنکا کے ہاتھوں شکست کھا چکا ہے جب کہ دوسرے میچ میں افغانستان سے بونس پوائنٹ کے ساتھ فاتح رہا۔