حمزہ شہباز کی حلف برداری کے خلاف ایپل پر لاہور ہائیکورٹ کا لارجر بینچ تشکیل

وزیر اعلی پنجاب حمزہ شہباز کی حلف برداری کے خلاف انٹرا کورٹ ایپل پر 5 رکنی لارجر بینچ تشکیل دے دیا گیا۔


ایکسپریس نیوز کے مطابق چیف جسٹس لاہور ہائی کورٹ جسٹس امیر بھٹی نے لارجر بنچ تشکیل دیا ہے جس کی سربراہی جسٹس صداقت علی خان کریں گے۔ بینچ کے دیگر ارکان میں جسٹس شاہد جمیل خان، جسٹس شہرام سرور چوہدری، جسٹس ساجد محمود سیٹھی اور جسٹس طارق سلیم شیخ شامل ہیں۔

واضح رہے کہ چیف جسٹس لاہور ہائیکورٹ محمد امیر بھٹی نے یہ بینچ تشکیل دیا ہے۔ جسٹس ساجد محمود سیٹھی نے چیف جسٹس سے لارجر بینچ تشکیل دینے کی سفارش کی تھی۔ تحریک انصاف کے اراکین اسمبلی نے حمزہ شہباز سے حلف کے لیے اسپیکر قومی اسمبلی کو نامزد کرنے کے سنگل بینچ کے فیصلے کو چیلنج کیا تھا۔