پولیس مقابلوں میں ایک ڈاکو ہلاک 2 گرفتار کرلیے گئے
سخی حسن کے قریب قلندریہ چوک پر ڈاکوشہریوں کو لوٹ رہے تھے ،پولیس پہنچ گئی
بلدیہ ٹائون سے عبدالقادر بلوچ اور بشیر بلوچ کو زخمی حالت میں گرفتار کرلیا۔ فوٹو: فائل
شہر کے مختلف علاقوں میں پولیس مقابلوں کے دوران ایک ڈاکو ہلاک جبکہ 2 زخمی حالت میں گرفتار کرلیے گئے ، ملزمان کے قبضے سے اسلحہ اور مسروقہ سامان برآمد کرلیا گیا۔
تفصیلات کے مطابق سخی حسن کے قریب قلندریہ چوک پر مسلح افراد شہریوں سے لوٹ مار کررہے تھے کہ گشت پر مامور پولیس موبائل وہاں پہنچ گئی ، پولیس کو دیکھتے ہی ملزمان نے فائرنگ کردی ، پولیس کی جوابی فائرنگ سے ایک ڈاکو ہلاک جبکہ اس کا ساتھی فرار ہونے میں کامیاب ہوگیا ، فوری طور پر ہلاک ہونے والے ڈاکو کی شناخت نہیں ہوسکی ، سعید آباد پولیس نے ڈیزل بلدیہ ٹائون میں فائرنگ کے تبادلے کے بعد عبدالقادر بلوچ اور بشیر بلوچ کو زخمی حالت میں گرفتار کرلیا ، ملزمان نے مقامی سیمنٹ فیکٹری کا ٹرک بھی چھینا تھا جس پر سیمنٹ کی سیکڑوں بوریاں لدی ہوئی تھیں ، پولیس ملزمان سے مزید تفتیش کررہی ہے جس میں کئی اہم انکشافات متوقع ہیں ۔
تفصیلات کے مطابق سخی حسن کے قریب قلندریہ چوک پر مسلح افراد شہریوں سے لوٹ مار کررہے تھے کہ گشت پر مامور پولیس موبائل وہاں پہنچ گئی ، پولیس کو دیکھتے ہی ملزمان نے فائرنگ کردی ، پولیس کی جوابی فائرنگ سے ایک ڈاکو ہلاک جبکہ اس کا ساتھی فرار ہونے میں کامیاب ہوگیا ، فوری طور پر ہلاک ہونے والے ڈاکو کی شناخت نہیں ہوسکی ، سعید آباد پولیس نے ڈیزل بلدیہ ٹائون میں فائرنگ کے تبادلے کے بعد عبدالقادر بلوچ اور بشیر بلوچ کو زخمی حالت میں گرفتار کرلیا ، ملزمان نے مقامی سیمنٹ فیکٹری کا ٹرک بھی چھینا تھا جس پر سیمنٹ کی سیکڑوں بوریاں لدی ہوئی تھیں ، پولیس ملزمان سے مزید تفتیش کررہی ہے جس میں کئی اہم انکشافات متوقع ہیں ۔