دعا زہرا کی ساس کی عدالت میں پولیس کیخلاف ہراساں کرنے کی درخواست دائر

دعا زہرہ کی ساس نے لاہور ہائی کورٹ میں پولیس کے خلاف ہراساں کرنے کی درخواست دائر کر دی۔

رپورٹ کے مطابق دعا زہرا کے شوہر ظہیر کی والدہ اور بھائی نےلاہور ہائیکورٹ میں پنجاب پولیس کے خلاف ہراساں کرنے کے خلاف درخواست دائر کردی ہے۔

درخواست ظہیر کی والدہ نور بی بی نے دائر کی ہے جس میں پنجاب پولیس کو فریق بنایا گیا ہے۔


درخواست میں مؤقف اختیار کیا گیا ہے کہ پنجاب پولیس پوری فیملی کو ہراساں کررہی ہے، درخواست میں یہ بھی کہا گیا ہے کہ دعا زہرا اور ظہیر احمد نےاپنی مرضی سے پسند کی شادی کی ہے۔

درخواست گزار نے عدالت سے استدعا کی ہے کہ عدالت پنجاب پولیس کو حراساں کرنے سے روکنے کا حکم دے ۔

واضح رہے کہ گزشتہ دنوں یہ خبر سامنے آئی تھی کہ دعا زہرہ کا نکاح نامہ جعلی ہے اور ظہیر اس کا شوہر نہیں ہے۔