حکومتی مذاکراتی کمیٹی اختلافات کاشکارہےشیخ رشید

عوامی مسلم لیگ کے سربراہ رکن قومی اسمبلی شیخ رشیداحمد نے کہاہے کہ طالبان سے مذاکرات کرنے والی حکومتی کمیٹی میں اختلافات پیداہو چکے ہیں۔


طالبان اورافواج کوآن بورڈلیے بغیرمذاکرات کامیاب نہیں ہوسکتے۔ حکومت عوام کے جان ومال کے تحفظ میں مکمل طورپر ناکام ہوکرٹی وی تک محدودہو گئی ہے۔ وفاقی پولیس مکمل طورپر نکھٹو اورناکارہ بن چکی ہے، وہ پیرکو پارلیمنٹ ہائوس کے باہرصحافیوں سے گفتگو کررہے تھے۔

انھوں نے کہاکہ اسلام آباد کچہری میںپیش آنے والے افسوسناک اورقابل مذمت سانحے کے بعدیہ بات واضح ہوچکی ہے کہ وفاق مکمل طورپر غیرمحفوظ ہوگیا ہے۔ وفاقی حکومت اورپولیس عوام کے جان اورمال کوتحفظ فراہم کرنے میں ناکام ہوچکے ہیں۔ انھوں نے وفاقی پولیس کو نکھٹواور ناکارہ قراردیتے ہوئے کہاکہ پولیس اہلکاروںاور افسران کی تربیت کی سخت ضرورت ہے۔ ایک سوال کے جواب میں شیخ رشیداحمد نے کہاکہ ابھی تک یہ واضح طورپر نہیں کہاجا سکتاکہ یہ خودکش حملہ تھایا فائرنگ ہوئی ہے۔