کراچی الآصف اسکوائرکے قریب ڈاکوؤں نےبس لوٹ لی فائرنگ سے3 مسافر زخمی

KARACHI:
الآصف اسکوائر کے قریب ڈاکوؤں نے لاڑکانہ سے آنے والی مسافر بس کو لوٹ کر فائرنگ کر دی جس کے نتیجے میں 3 افراد زخمی ہو گئے۔


ایکسپریس نیوز کے مطابق 3 ڈاکوؤں نے لاڑ کانہ سے آنے والی بس کو سپر ہائی وے پر الآصف اسکوائر کے قریب اسلحے کے زور پر کچے میں اتار کرلوٹ مار شروع کردی، مسافروں کے احتجاج پر ڈاکوؤں نے ان پر اندھا دھند فائرنگ کر دی جس کے نتیجے میں 3 افراد زخمی ہو گئے جب کہ ڈاکو کارروائی کے بعد فرار ہو گئے۔ بس کے ڈرائیور نے زخمیوں کو سول اسپتال پہنچایا جہاں تینوں کو طبی امداد دی جارہی ہے ۔

پولیس نے واقعے کا مقدمہ درج کر کے واقعے کی تحقیقات شروع کر دی ہے۔