جاوید عالم اوڈھو نے کراچی پولیس چیف کا چارج سنبھال لیا

جاوید عالم اوڈھو نے سابق پولیس چیف غلام نبی میمن کے چارج چھوڑنے پر بطور ایڈیشنل آئی جی کراچی کا چارج سنبھال لیاہے،دونوں افسران نے ایک سادہ مگر پروقار تقریب میں کمانڈ اسٹک کا تبادلہ کیا۔


ایڈیشنل آئی جی جاوید عالم اوڈھو کی کراچی پولیس آفس میں آمد پر ڈی آئی جی ایڈمن عمران یعقوب و دیگر سینئر پولیس افسران نے انہیں خوش آمدید کہا اور پولیس کے چاق و چوبند دستے نے انھیں سلامی پیش کی ،اس موقع پردونوں افسران نے ایک دوسرے کے لیے نیک خواہشات کا اظہار کیا ، کراچی پولیس چیف جاوید عالم اوڈھو اور دیگر سینئر افسران نے سابق پولیس چیف کو پورے اعزاز کے ساتھ کراچی پولیس آفس سے رخصت کیا۔