قومی ایئرلائن کا کوالالمپور کیلیے فلائٹ آپریشن بحال

MUMBAI:
قومی ایئرلائن (پی آئی اے) نے ملائیشیا کے دارالحکومت کوالالمپور کے لیے فلائٹ آپریشن بحال کر دیا ہے۔

اسلام آباد سے کوالالمپور کے لیے ہفتہ وار 2 پروازیں آپریٹ کرے گی جبکہ لاہور سے 26جون کو کوالالمپور کے لیے پرواز اڑان بھرے گی۔


پی آئی اے کی جانب سے آذربائیجان کے شہر باکو کے لیے بھی فلائٹ آپریشن میں اضافہ کر دیا گیا ہے، پی آئی اے ہفتہ وار 4پروازیں باکو کے لیے آپریٹ کرے گی۔

ترجمان پی آئی اے کے مطابق اسلام آباد سے ایک، لاہور سے دو اور کراچی سے ایک پرواز آپریٹ کی جائیں گی۔

کورونا وائرس کی وجہ فلائٹ آپریشن عارضی طور پر معطل کیا گیا تھا۔