برساتی نالہ بپھر جانے سے خان پور کے متعدد دیہات کا زمینی رابطہ منقطع

خان پور کے علاقہ چھوٸی میں برساتی نالہ بپھر جانے سے اپر خان پور کے متعدد دیہات کا زمینی رابطہ منقطع ہوگیا۔


گزشتہ رات سے جاری شدید بارشوں نے تباہی مچا دی ہے، مسلسل شدید بارشوں سے دیگر علاقوں سرائے صالح، حطار اور کوٹ نجیب اللہ میں بھی برساتی نالوں میں طغیانی سے پانی سڑکوں ہر جمع ہوگیا ہے جس کے باعث ٹریفک کی روانی بھی متاثر ہے۔

خان پور چھوئی کے مقام پر برساتی نالہ بپھر جانے سے ٹریفک مکمل طور پر بند ہے، متعدد دیہاتوں کا زمینی راستہ منقطع ہوچکا ہے جس سے علاقے کے لوگوں کو شہر آنے کے لیے مشکلات کا سامنا کرنا پڑ رہا ہے۔