اب مہنگائی کو ریورس اور ترقی کو پانچواں گیئر لگے گا مریم نواز

مسلم لیگ (ن) کی نائب صدر مریم نواز نے کہا ہے کہ اب مہنگائی کو ریورس اور ترقی کو پانچواں گیئر لگے گا، عمران خان نے کبھی پیٹرول اور ڈیزل کی قیمت کم نہیں کی۔

لیہ میں عوامی جلسہ عوام سے خطاب کے دوران انہوں نے کہا کہ عمران خان نےحکومت جاتے دیکھ کر پیٹرول سستا کرکے خزانہ خالی کردیا، ہم پر عوام کی خدمت کا قرض ہے کبھی مایوس نہیں کریں گے۔


انہوں نے کہا کہ نواز شریف نے فلاحی جبکہ فتنہ خان نے پنجاب میں تباہی کے منصوبے لگائے، نواز شریف نے ملک کو سرمایہ کاری کا بڑا منصوبہ پاک چین اقتصادی راہداری (سی پیک) دیا۔

مریم نواز نے کہاکہ پنجاب میں تباہی مچانے والے فتنہ خان کو عوام بخوبی جان چکے ہیں، آلو، پیاز کے نرخ پتا کرنے والی حکومت آئی تو فتنہ خان کو رونا آگیا، 90 دن میں کرپشن ختم کرنے کے دعوے دار نے ملک کو لوٹ کر کنگال کیا۔

نائب صدر مسلم لیگ (ن) نے کہا کہ شیر کا مقابلہ بے روزگاری، کرپشن اور ناہلی سے ہے، عوام کا جوش بتا رہا ہے 17 جولائی کو شیر ڈھارے گا۔