احد رضا میر کی پہلی نیٹ فلکس سیریز ’ریزیڈنٹ ایول‘ ریلیز ہوتے ہی چھا گئی

نیٹ فلکس کی مشہور سیریز 'ریزیڈنٹ ایول' میں اداکاری کے جوہر دکھانے والے پہلے پاکستانی اداکار احد رضا میر کا نام ٹوئٹر پر ٹاپ ٹرینڈ بن گیا۔

مقبول پاکستانی اداکار احد رضا میر کی پہلی نیٹ فلکس اوریجنل ہارر ویب سیریز 'ریزیڈنٹ ایول' ریلیز کر دی گئی ہے جس کے سوشل میڈیا پر خوب چرچے ہورہے ہیں۔

اس سیریز میں سن 2036 کے دور کو دکھایا گیا ہے جہاں ایک جان لیوا وائرس نے دنیا میں قیامت برپا کردی ہے اور زمین پر وائرس سے متاثر خون چوسنے والی مخلوق کا قبضہ ہوگیا ہے۔

علاوہ ازیں احد کے مداح ان کی پہلی سیریز کے ریلیز ہوتے ہی ان کی اگلی غیر ملکی سیریز 'ورلڈ آن فائر سیزن 2' کی کاسٹ میں شامل ہونے کی خبر سُن کر بےحد خوش ہیں۔

یاد رہے کہ احد رضا میر پہلے پاکستانی اداکار ہیں جو نیٹ فلکس اوریجنل ہارر ویب سیریز میں اداکاری کرتے نظر آئیں گے سیریز میں احد رضا میر کے علاوہ امریکی اداکار لانس ریڈک، برطانوی اداکارہ ایلا بالنسکا، تمارا سمارٹ، امریکی اداکارہ سیانا اگوڈنگ، کورین نژاد جرمن اداکارہ ایڈیلائن روڈولف اور میکسیکن اداکارہ پاؤلا نونیز شامل ہیں۔