پاک چین مشترکہ بحری مشق سی گارڈینز 2022 کا انعقاد

پاکستان اور چینی بحریہ کے مابین دو طرفہ بحری مشق سی گارڈینز 2022 چین کے شہر شنگھائی میں منعقد ہوئی۔

ترجمان پاک بحریہ کے مطابق پاکستان اور چین کے مابین بحری مشقیں سی گارڈینز دوطرفہ مضبوط عسکری تعلقات کا مظہر ہیں جو خطے میں محفوظ اور پائیدار بحری ماحول کو فروغ دیتا ہے۔


انہوں نے بتایا کہ مشق سے دونوں بحری افواج کی پیشہ وارانہ مہارتوں اور باہمی تعاون کو مزید فروغ ملے گا۔ پاک بحریہ کی طرف سے دوطرفہ اور کثیرالقومی مشقوں کا باقاعدہ انعقاد سمندر میں امن و امان برقرار رکھنے اور تمام دوست بحری افواج کے ساتھ قریبی تعلقات کے عزم کا مظہر ہے۔

ترجمان پاک بحریہ کے مطابق چین کے ساتھ مشترکہ بحری مشق سے دونوں ممالک بالخصوص بحری افواج کے مابین دو طرفہ تعلقات اور تعاون کو مزید فروغ ملے گا۔