قوم کو مبارک ہو سپریم کورٹ کے فیصلے پر شوبز شخصیات کا ردِعمل
شوبز شخصیات نےبھی خوشی کا اظہار کرتے ہوئےسوشل میڈیا پر اپنے ردِعمل دے رہے ہیں(فائل فوٹو)
پاکستان شوبز انڈسٹری سے جُڑے افراد پرویز الہیٰ کے وزیرِاعلیٰ پنجاب منتخب ہونے پر خوشی کا اظہار کر رہے ہیں۔
وزیراعلیٰ پنجاب کے انتخاب میں ڈپٹی اسپیکر کی رولنگ کے بعد شہباز شریف وزیِراعلیٰ پنجاب منتخب ہوئے تاہم ڈپٹی اسپیکر پنجاب اسمبلی دوست محمد مزاری کے اس فیصلے کو سپریم کورٹ میں چیلنج کیا گیا۔
جس کے بعد سے پوری قوم کی نظریں سپریم کورٹ کے انصاف کی منتظر تھیں تاہم گزشتہ رات انتظار کی گھڑیاں ختم ہوئیں اور سپریم کورٹ نے وزیراعلیٰ پنجاب کے انتخاب میں ڈپٹی اسپیکر کی رولنگ کالعدم قرار دیتے ہوئے چوہدری پرویز الٰہی کو وزیراعلیٰ پنجاب مقرر کردیا۔
سپریم کورٹ کا فیصلہ سنتے ہی جہاں قوم میں خوشی کی لہر دوڑی وہیں عمران خان کی حمایت کرنے والے شوبز شخصیات نے بھی خوشی کا اظہار کرتے ہوئےسوشل میڈیا پر اپنے ردِعمل دیا۔
Deputy speaker Mr Mazari should be arrested now for breaking constitution !
اداکار منیب بٹ نے ٹوئٹ میں لکھا کہ' ڈپٹی اسپیکر پنجاب اسمبلی دوست محمد مزاری کو آئین توڑنے پر گرفتار کیا جائے'۔
انہوں نے مزید لکھا کہ'حمزہ بھائی پریشانی کی کوئی بات نہیں ہے آفس کو اندر سے کنڈی لگا لیں'۔
حزبِ اختلاف اداکارہ عفت عمر نے بھی اپنا ردعمل دیا لکھا کہ'پراجیکٹ عمران پر جتنی محنت اور پیسہ لگایا گیا وہ سب کبھی فلش آؤٹ نہیں کیا جاسکتا'۔
پراجیکٹ عمران پر جتنی محنت اور پیسہ لگایا گیا وہ سب کبھی فلش آؤٹ نہیں کیا جاسکتا۔