کراچی کورنگی انڈسٹریل ایریا میں شارٹ سرکٹ سے 2 بسیں جل گئیں
آگ لگنے سے ایک بس مکمل طور پر تباہ ہوگئی جبکہ دوسری کو جزوی نقصان پہنچا
فیکٹری ملازمین نے اپنی مدد آپ کے تحت آگ بجھائی۔ فوٹو: ایکسپریس نیوز
کورنگی صنعتی ایریا میں شارٹ سرکٹ سے پارکنگ ایریا میں کھڑی 2 بسیں جل گئیں۔
ایییکسپریس نیوز کے مطابق کورنگی صنعتی ایریا میں گودام چورنگی کے قریب گارمنٹس فیکٹری کے پارکنگ ایریا میں کھڑی ایک بس میں اچانک شارٹ سرکٹ سے آگ بھڑک اٹھی اور دیکھتے ہی دیکھتے قریب کھڑی دوسری بس بھی اس کی لپیٹ میں آگئی، فیکٹری ملازمین نے اپنی مدد آپ کے تحت آگ بجھائی تاہم اس دوران ایک بس مکمل طور پر جل گئی جبکہ دوسری کو جزوی نقصان پہنچا۔