انسٹاگرام ’کینڈِڈ چیلنج‘ نامی نیا فیچر متعارف کرانے جارہی ہے
جلد متعارف کرائے جانے والا یہ نیا فیچر بی ریئل نامی ایپ سے کافی مشابہت رکھتا ہے
(فوٹو: فائل)
فوٹوشیئرنگ ایپ اِنسٹاگرام کینڈِڈ چیلنج نامی ایک نیافیچر متعارف کرانے جارہی ہے جو بڑی حد تک 'بی ریئل' نامی ایک ایپ سے مشابہت رکھتا ہے۔
بی ریئل ایک فرنچ ایپلی کیشن ہے جس میں ایپ کی جانب سے صارفین کو روزانہ دن میں کسی بھی وقت ایک نوٹی فیکیشن موصول ہوتا ہے جس کے تحت صارفین کو دو منٹ کے اندر کوئی تصویر کھینچ کر اپ لوڈ کرنی ہوتی ہے۔ اس ایپ کا مقصد ہے کہ یہ معلوم ہوسکے کہ پلیٹ فارم پر موجود آپ کے دوست حقیقت میں کیسے ہیں۔
انسٹاگرام کے اس فیچر، جو ابھی متعارف نہیں کرایا گیا ہے، کی نشاندہی ایپلی کیشنز کی ریورس انجینیئرنگ اور آئندہ آنے والے اپ ڈیٹس کے ابتدائی ورژن کا کھوج لگانے کےلیے مشہور ایک ڈیویلپر الیسینڈرو پیلوزی نے کی۔
بی ریئل ایک فرنچ ایپلی کیشن ہے جس میں ایپ کی جانب سے صارفین کو روزانہ دن میں کسی بھی وقت ایک نوٹی فیکیشن موصول ہوتا ہے جس کے تحت صارفین کو دو منٹ کے اندر کوئی تصویر کھینچ کر اپ لوڈ کرنی ہوتی ہے۔ اس ایپ کا مقصد ہے کہ یہ معلوم ہوسکے کہ پلیٹ فارم پر موجود آپ کے دوست حقیقت میں کیسے ہیں۔
انسٹاگرام کے اس فیچر، جو ابھی متعارف نہیں کرایا گیا ہے، کی نشاندہی ایپلی کیشنز کی ریورس انجینیئرنگ اور آئندہ آنے والے اپ ڈیٹس کے ابتدائی ورژن کا کھوج لگانے کےلیے مشہور ایک ڈیویلپر الیسینڈرو پیلوزی نے کی۔
انسٹاگرام کے ایک ترجمان نے اس فیچر کی تصدیق کی تاہم کسی قسم کی تفصیلات دینے سے انکار کردیا۔
ایلیسینڈرو کے مطابق کینڈِڈ چیلنجز میں شریک انسٹاگرام صارفین کو ہر دن مختلف وقت پر اپنے اطراف کی تصویر کھینچنے کے لیے ایک نوٹی فیکیشن ملے گا۔
نوٹی فیکیشن ملنے کے بعد انسٹاگرام کیمرا سامنے اور پشت پر موجود شوٹر کے ساتھ کُھل جائے گا اور صارفین کے پاس تصویر کھینچنے کےلیے دو منٹ ہوں گے۔چیلنجز کے ذریعے شیئر کیا گیا کونٹینٹ اسٹوریز ٹرے میں ظاہر ہوگا۔