سوشل میڈیا صارفین نے بابراعظم اور ویرات کوہلی کو ’جڑواں بھائی‘ قرار دے دیا

قومی کرکٹ ٹیم کے کپتان بابراعظم اور بھارتی کرکٹر ویرات کوہلی کے بچپن کی تصاویر میں مشابہت نے شائقین کو حیران کردیا۔

کرکٹ کے میدان میں بابر اور کوہلی کے درمیان موازنہ تو کافی عرصے سے ہی کیا جارہا ہے تاہم اب سماجی رابطے کی سائٹ ٹوئٹر پر ان دِنوں موجودہ پاکستانی اور سابق بھارتی کپتان بابراعظم اور ویرات کوہلی کے بچپن کی دلچسپ تصاویر وائرل ہو رہی ہیں۔

ان تصاویر میں دلچسپ بات یہ ہے کہ دونوں کرکٹرز نے نہ صرف ملتی جلتی شرٹس پہن رکھی ہیں بلکہ ان کے بالوں کا اسٹائل بھی ایک جیسا ہے جس کو دیکھ کر سب ہی انہیں 'جڑواں بھائی' قرار دے رہے ہیں۔

How come, both babar & kohli are wearing the same shirts

اس تصویر پر ایک ٹوئٹر صارف نے تبصرہ کیا کہ 'بابر اور کوہلی ایک ہی جیسی شرٹس اور ایک ہی جیسے بالوں کے اسٹائل میں میلے میں بچھڑے ہوئے جڑواں بھائی لگ رہے ہیں جبکہ ایک صارف نے کہا کہ یہ تو 'کرن ارجن' کی جوڑی ہے۔

سوشل میڈیا پر یہ تصویر تیزی سے وائرل ہو رہی ہے اور صارفین اس پر دلچسپ تبصرے کرتے نظر آرہے ہیں۔