گریمی ایوارڈ یافتہ امریکی گلوکار کولیو کی دوست کے گھر سے لاش برآمد

گریمی ایوارڈ یافتہ 59 سالہ امریکی گلوکار کولیو اپنے دوست کے گھر میں مردہ حالت میں پائے گئے ہیں۔

غیر ملکی میڈیا کے مطابق گینگسٹاز پیراڈائزسے مشہور ہونیوالے امریکی ریپر کولیو گزشتہ روز مردہ حالت میں پائے گئے ہیں، گلوکار کی اچانک موت نے مداحوں کو صدمے سے دوچار کردیا۔

کولیو کے مینیجر جیریز پوسی کے مطابق کولیو لاس اینجلس میں ایک دوست کے گھر پر موجود تھے جہاں وہ واش روم میں تھے کہ اچانک انہیں دل کا دورہ پڑا اور ان کی موت ہوئی۔

تاہم تحقیقاتی اداروں نے آنجہانی گلوکار کی موت کی اصل وجہ جاننے کیلئے تحقیقات کا آغاز کر دیا ہے۔

یاد رہے کہ کو لیو کو1995 میں اس وقت عالمی شہرت حاصل ہوئی جب انہوں نے فلم ڈینجرس مائنڈز کے کیلئے گینگسٹا کی پیراڈائز ریلیز کیا۔

اس کے اگلے سال ہی ''بیسٹ ریپ سولو پرفارمنس''کی کیٹگری میں انہیں گریمی ایوارڈسے بھی نوازا گیا۔ کولیو اس کے علاوہ بھی پانچ دیگرگریمی ایوارڈز کیلئے بھی نامزد کئے جاچکے ہیں ۔