حارث ٹی ٹوئنٹی ڈیبیو کرنے والے 99ویں پاکستانی کرکٹر بن گئے

انگلینڈ کے خلاف چھٹے میچ میں محمد حارث ٹی ٹوئنٹی ڈیبیو کرنے والے 99 ویں پاکستانی کرکٹر بن گئے۔

محمد رضوان کو آرام دیا گیا،انہوں نے ہی نوجوان وکٹ کیپر کو کیپ پیش کی، حارث نے کہا کہ ملک کی جانب سے ڈیبیو کرنے پر فخر ہے، میں اپنی صلاحیتوں کے مکمل اظہار کی کوشش کروں گا۔


یاد رہے کہ گزشتہ میچ میں ڈیوڈ مالان کی تھرو پر کمر پر گیند لگنے کی وجہ سے رضوان کی جگہ محمد حارث نے وکٹ کیپنگ کی ذمہ داریاں نبھائیں تھیں۔

گذشتہ روز پاکستان نے دوسری تبدیلی کرتے ہوئے حارث رؤف کو آرام دے کر شاہنواز دھانی کو شامل کیا، انگلینڈ نے کرس ووکس اور مارک ووڈ کی جگہ رچرڈ گلیسن اور ریس ٹوپلے کو پلیئنگ الیون کا حصہ بنایا۔