پڑھائی میں کمزور بچوں کے لئے پاکستان میں قانون منظور
اساتذہ کو عالمی معیار کی تربیت دی جائے گی، بل کا متن
اساتذہ کو عالمی معیار کی تربیت دی جائے گی، بل کا متن (فوٹو: ٹوئٹر)
پاکستان میں پہلی بار بچوں کی پڑھائی لکھائی میں مشکل کو دور کرنے کے لئے انقلابی قانون سازی کرتے ہوئے ڈِس۔لیکسیا سے متعلق قانون منظور کرلیا، جس کے تحت ملک بھر کے تعلیمی اداروں میں ڈِس۔لیکسیا کا سامنا کرنے والے بچوں کے لئے خصوصی تربیتی پروگرام شروع کیاجائے گا جبکہ اساتذہ کو عالمی معیار کی تربیت دی جائے گی تاکہ وہ بچوں کی پڑھائی لکھائی کی اس مشکل کو دور کرکے ان کی تعلیمی صلاحیتوں کو بڑھاسکیں۔
قانون کے تحت تمام تعلیمی اداروں میں ایسے بچوں کی مار پیٹ، ذہنی اذیت یا ہراساں کرنے پر پابندی ہوگی، تعلیم وتربیت کی وزارت کی پارلیمانی سیکریٹری زیب جعفر نے بل پیش کیاتھا۔
اس بل کا نام ڈِس۔لیکسیا خصوصی اقدامات ایکٹ 2022 ہے جسے پارلیمنٹ نے گزشتہ روز منظور کیا گیا۔ قانون کے تحت پاکستان میں 18 سال سے کم عمرکے بچوں کو پڑھائی لکھائی میں آنے والی مشکل سے نجات دلانے کے لئے اساتذہ کی خصوصی تربیت کی جائے گی۔
دنیا بھر میں ایسے بچے اور بڑی عمر کے لوگ موجود ہیں جنہیں حروف کو پہچاننے، ملتے جلتے حروف اور ریاضی کے اعداد میں فرق کرنے، الفاظ، ریاضی کے سوالات اور انگریزی کے حروف کو لکھنے اور پڑھنے میں مشکل پیش آتی ہے۔
یہ کوئی بیماری یا ذہنی معذوری نہیں بلکہ ایک عارضی مشکل ہوتی ہے جسے تھوڑی سی تربیت سے دور کیاجاسکتا ہے، ماہرین کے مطابق اس مشکل کا سامنا کرنے والے افراد کی ذہانت غیرمعمولی ہوتی ہے۔ قانون سازی کے تحت اسکول میں داخلے کے وقت بچوں کا ایک ٹیسٹ (امتحان) لیاجائے گا جس سے تصدیق ہوگی کہ بچے کو ڈِس۔لیکسیا کی مشکل تو نہیں تاکہ ان کو پڑھائی لکھائی میں آنے والی اس مشکل کو دور کیاجاسکے۔ اس نئے قانون کے تحت تمام اسکولوں میں ڈِس۔لیکسیا کے حوالے سے مہارت رکھنے والے اساتذہ اور عملہ رکھا جائے گا۔
ڈِس۔لیکسیا تھراپسٹ بھی ہر اسکول میں رکھے جائیں گے تاکہ وہ ایسے بچوں کی اس مشکل کو دور کرسکیں۔ قانون کی منظوری کے 120 دن کے اندر متعلقہ رولز بنائے جائیں گے تاکہ اس قانون کے تحت تجویز کئے گئے خصوصی اقدامات پر عمل درآمد کو یقینی بنایا جاسکے۔ قانون کے تحت ڈِس۔لیکسیا سے متعلق معلومات اور تربیت پر مبنی خصوصی تحریری مواد بھی تعلیمی اداروں کو فراہم کیاجائے گا۔
ڈِس۔لیکسیا کے شکار لوگوں میں دنیا کی مشہور ترین شخصیات شامل ہیں جن میں امریکی صدور، سائنسدان، کھلاڑی، فنکار اور کاروباری شخصیات شامل ہیں۔ ایک رپورٹ کے مطابق پاکستان میں ڈِس۔لیکسیاکی مشکل کا سامنا کرنے والے افراد کی تعداد 20 فیصد بتائی جاتی ہے تاہم پاکستان کی تاریخ کے اس پہلے قانون کی منظوری کے بعد اب اس حوالے سے اعدادوشمار، معلومات اور بہتری کے حوالے سے مصدقہ اطلاعات میسر آسکیں گی۔
قانون کے تحت تمام تعلیمی اداروں میں ایسے بچوں کی مار پیٹ، ذہنی اذیت یا ہراساں کرنے پر پابندی ہوگی، تعلیم وتربیت کی وزارت کی پارلیمانی سیکریٹری زیب جعفر نے بل پیش کیاتھا۔
اس بل کا نام ڈِس۔لیکسیا خصوصی اقدامات ایکٹ 2022 ہے جسے پارلیمنٹ نے گزشتہ روز منظور کیا گیا۔ قانون کے تحت پاکستان میں 18 سال سے کم عمرکے بچوں کو پڑھائی لکھائی میں آنے والی مشکل سے نجات دلانے کے لئے اساتذہ کی خصوصی تربیت کی جائے گی۔
دنیا بھر میں ایسے بچے اور بڑی عمر کے لوگ موجود ہیں جنہیں حروف کو پہچاننے، ملتے جلتے حروف اور ریاضی کے اعداد میں فرق کرنے، الفاظ، ریاضی کے سوالات اور انگریزی کے حروف کو لکھنے اور پڑھنے میں مشکل پیش آتی ہے۔
یہ کوئی بیماری یا ذہنی معذوری نہیں بلکہ ایک عارضی مشکل ہوتی ہے جسے تھوڑی سی تربیت سے دور کیاجاسکتا ہے، ماہرین کے مطابق اس مشکل کا سامنا کرنے والے افراد کی ذہانت غیرمعمولی ہوتی ہے۔ قانون سازی کے تحت اسکول میں داخلے کے وقت بچوں کا ایک ٹیسٹ (امتحان) لیاجائے گا جس سے تصدیق ہوگی کہ بچے کو ڈِس۔لیکسیا کی مشکل تو نہیں تاکہ ان کو پڑھائی لکھائی میں آنے والی اس مشکل کو دور کیاجاسکے۔ اس نئے قانون کے تحت تمام اسکولوں میں ڈِس۔لیکسیا کے حوالے سے مہارت رکھنے والے اساتذہ اور عملہ رکھا جائے گا۔
ڈِس۔لیکسیا تھراپسٹ بھی ہر اسکول میں رکھے جائیں گے تاکہ وہ ایسے بچوں کی اس مشکل کو دور کرسکیں۔ قانون کی منظوری کے 120 دن کے اندر متعلقہ رولز بنائے جائیں گے تاکہ اس قانون کے تحت تجویز کئے گئے خصوصی اقدامات پر عمل درآمد کو یقینی بنایا جاسکے۔ قانون کے تحت ڈِس۔لیکسیا سے متعلق معلومات اور تربیت پر مبنی خصوصی تحریری مواد بھی تعلیمی اداروں کو فراہم کیاجائے گا۔
ڈِس۔لیکسیا کے شکار لوگوں میں دنیا کی مشہور ترین شخصیات شامل ہیں جن میں امریکی صدور، سائنسدان، کھلاڑی، فنکار اور کاروباری شخصیات شامل ہیں۔ ایک رپورٹ کے مطابق پاکستان میں ڈِس۔لیکسیاکی مشکل کا سامنا کرنے والے افراد کی تعداد 20 فیصد بتائی جاتی ہے تاہم پاکستان کی تاریخ کے اس پہلے قانون کی منظوری کے بعد اب اس حوالے سے اعدادوشمار، معلومات اور بہتری کے حوالے سے مصدقہ اطلاعات میسر آسکیں گی۔