لاہورایئرپورٹ پر پی آئی اے کی مدینہ سے آنے والی پرواز کی ہنگامی لینڈنگ
طیارے میں 500 مسافرسوار تھے اوردوران پرواز جہاز کا اگلا پہیہ جام ہوگیا جس کی وجہ سے طیارے کو ہنگامی لینڈنگ کرنا پڑی
ہنگامی لینڈنگ کے باعث اندرون اور بیرون ملک جانے والی دیگر پروازوں کا شیڈول بھی متاثر ہوگیا. فوٹو:فائل
باکمال لوگوں اور لاجواب سروس پی آئی اے کی مدینہ سے آنے والی پرواز کی علامہ اقبال انٹرنیشنل ایئرپورٹ پر ہنگامی لینڈنگ۔
ایکسپریس نیوز کے مطابق پی آئی اے کی پرواز مدینہ ایئرپورٹ سے 500 مسافروں کو لے کر لاہور آرہی تھی کہ دوران پروازجہاز کا اگلا پہیہ جام ہوگیا جس پر پائلٹ نے کنٹرول ٹاور سے رابطہ کیا جس کے بعد ایئرپورٹ پر ایمرجنسی نافذ کردی گئی، طیارے کی ہنگامی لینڈنگ کے بعد اندرون اور بیرون ملک جانے والی دیگر پروازوں کا شیڈول بھی متاثر ہوگیا جبکہ متاثرہ طیارے کو رن وے سے ٹرالی کی مدد سے ہٹادیا گیا۔