اے ٹی ایم لوٹنے والے ڈاکو رنگے ہاتھوں گرفتار

ڈولفن اسکواڈ نے شہری کو گن پوائنٹ پر یرغمال بنا کر اے ٹی ایم میں واردات کرنیوالے2 ڈاکوؤں کورنگے ہاتھوں گرفتار کرلیا ہے۔

ترجمان ڈولفن اسکواڈ کے مطابق ڈولفن ٹیم نے جان پر کھیل کر دونوں ڈاکوؤں کو گرفتار کیا،ڈاکو کا دوسرا ساتھی باہر ریکی کرتا رہا،دونوں ڈاکو حال ہی میں جیل سے رہا ہو کر آئے ہیں۔


ڈولفن پولیس کے مطابق اے ٹی ایم میں موجود ڈاکو گن پوائنٹ پر شہری کو مزید رقم نکلوانے کا کہتا رہا،دونوں ڈاکو درجنوں سنگین جرائم میں ریکارڈ یافتہ ہیں، ڈاکوؤں سے لوٹی ہوئی رقم،آتشیں اسلحہ، موٹر سائیکل برآمد کر لی گئی ہے۔

ڈی آئی جی آپریشنز و ایس پی ڈولفن کی طرف سے ٹیم کو شاباش اور تعریفی اسناد دینے کا اعلان کیا گیا ہے۔