ایف آئی اے نے جنسی ہراسگی میں ملوث ملزم کو گرفتار کرلیا

وفاقی تحقیقاتی ادارے (ایف آئی اے) سائبر کرائم سرکل نے کارروائی کے دوران جنسی ہراسگی میں ملوث ملزم کو حیدرآباد سے گرفتارکرلیا۔

ترجمان ایف آئی اے کے مطابق سائبر کرائم سرکل حیدرآباد نے کارروائی کرتے ہوئے ملزم قدیر الحسن کو گرفتار کرلیا۔


ملزم سوشل میڈیا کے ذریعے خاتون کی قابل اعتراض تصاویر شئیر کرنے میں ملوث تھا۔ ملزم شکایت کنندہ کے گھر والوں کو دھمکیاں دینے میں بھی ملوث تھا۔

ایف آئی اے ترجمان کے مطابق ملزم کے زیر استعمال موبائل سے قابل اعتراض مواد برآمد کر لیا گیا، ملزم کے خلاف پیکا ایکٹ کے تحت مقدمہ درج کر لیا گیا،مقدمے کی مزید تفتیش جاری ہے۔