یو اے ای بھیجے جانے والے 3 کنٹینرز سے 3 لاکھ نشہ آورگولیاں برآمد

کراچی انٹرنیشنل کنٹینر ٹرمینل پرمتحدہ عرب امارات بھیجے جانے والے 3 مختلف کنٹینرز سے 3 لاکھ نشہ آور گولیاں برآمد کرلیں۔

ترجمان اے این ایف کے مطابق ملک بھر میں منشیات کے خلاف کارروائیوں کا سلسلہ جاری ہے، کراچی انٹرنیشنل کنٹینر ٹرمینل پرمتحدہ عرب امارات بھیجے جانے والے 3 مختلف کنٹینرز سے 3 لاکھ نشہ آور گولیاں تحویل میں لی گئیں.


حکام کے مطابق برآمدشدہ گولیوں کامجموعی وزن 65 کلو گرام ہے، کارروائی میں ایک ملزم کی گرفتاری بھی عمل میں آئی ہے۔ ترجمان کے مطابق بلوچستان چمن کے علاقے میں 2 مختلف کارروائیوں کے دوران 5220 لیٹر ممنوعہ کیمیکل برآمد کیا گیا۔

انہوں نے بتایا کہ ایک اور کارروائی کے دوران اے این ایف اور ایف سی نے خیبر میں مشترکہ طور پر پلاسٹک کے تھیلوں سے 20 کلو چرس برآمد کی، انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔