نئے آرمی چیف کی تعیناتی کے لیے سمری وزیراعظم دفتر کو موصول ذرائع

وزیراعظم دفترکو موصول ہونے والی سمری میں پانچ نام موجود ہیں، ذرائع

نئے آرمی چیف 29 نومبر کو عہدے کا چارج سنبھالیں گے:فوٹو:فائل

نئے آرمی چیف کی تعیناتی کے لیے سمری وزیراعظم دفتر کو موصول ہوگئی۔

'ایکسپریس ٹریبیون' نے ذرائع کے حوالے سے بتایا کہ وزیراعظم کے دفترکووزارت دفاع کی جانب سے نئے آرمی چیف کی تعیناتی کے لیے سمری موصول ہوگئی ہے۔


ذرائع کے مطابق سمری میں پانچ نام موجود ہیں۔وزیراعظم ہاؤس میں اعلیٰ سطح کا اجلاس جاری ہے جس میں اہم تعیناتی سمیت دیگر امور پر غور کیا جا رہا ہے۔

نئے آرمی چیف 29 نومبر کو اپنے عہدے کا چارج سنبھالیں گے۔ جنرل قمر جاوید باجوہ بطور آرمی چیف چھ سال فرائض انجام دینے کے بعد 29 نومبر کو ریٹائر ہوں گے۔

سینیارٹی لسٹ کے مطابق لیفٹیننٹ جنرل عاصم منیر، لیفٹیننٹ جنرل ساحر شمشاد مرزا، لیفٹیننٹ جنرل اظہر عباس ، لیفٹیننٹ جنرل نعمان محمود اور لیفٹیننٹ جنرل فیض حمید میں سے کوئی بھی آرمی چیف اور چئیرمین جوائنٹ چیفس آف اسٹاف کا عہدہ سنبھال سکتے ہیں۔
Load Next Story