کراچی میں دو گھنٹوں میں 2 دھماکے 4 افراد زخمی

شہر قائد میں 2 گھنٹے کے دوران گلشن اقبال اور گلشن حدید کے علاقوں میں ایک مسجد اورمدرسے کے قریب دھماکوں میں 4 افراد زخمی ہوگئے۔

ایکسپریس نیوز کے مطابق پہلا دھماکا گلشن اقبال نیپا چورنگی کے قریب مدرسے کے باہر ہوا، دھماکے کی آواز دور دور تک سنی گئی جس سے علاقے میں خوف وہراس پھیل گیا۔ ریسکیو ذرائع کے مطابق دھماکےمیں 2 افراد زخمی ہوگئے جبکہ دھماکے سے جامعہ ستاریہ اور مسجد کی دیوار کو بھی نقصان پہنچا۔

دوسرا دھماکا گلشن حدید فیز ٹو میں خالد بن ولید مسجد کی دیوار کے ساتھ ہوا، اس دھماکے کے نتیجےمیں بھی 2 افراد زخمی ہوگئے جبکہ مسجد کی دیوار کو بھی نقصان پہنچا۔