لاہور میں سگے چچا کو قتل کرنے والا سفاک ملزم گرفتار

لاہور پولیس نے سگے چچا کو قتل کرنے والے سفاک بھتیجے کو بروقت کارروائی کرتے ہوئے گرفتار کرلیا۔

ایکسپریس نیوز کے مطابق 60 سالہ شخص کے قتل کی واردات پنجاب کے دارالحکومت لاہور کے علاقے شادباغ میں پیش آئی جہاں ملزم نے اپنے ہی سگے چچا کو موت کے گھاٹ اتار دیا۔


پولیس کو واقعے کی اطلاع ملی تو پولیس نے بروقت کارروائی کرتے ہوئے 60 سالہ شفیق کے قتل میں ملوث ملزم کو فوری گرفتار کرلیا۔

پولیس کے مطابق لڑائی جھگڑا ہونے پر ملزم عادل نے اپنے چچا کا گلا دبا کر قتل کیا تھا۔

ایس پی سٹی محمد سرفراز ورک کا کہنا تھا کہ مقتول کی نعش کو اسپتال کے مردہ خانے منتقل کردیا گیا تھا، واقعے سے متعلق مزید تحقیقات و کاروائی عمل میں لائی جا رہی ہے۔