رانا ثنا اللہ تمام سیاسی کارکنان کے لیے ایک مثال ہیں وزیراعظم

وزیر اعظم شہباز شریف نے منشیات برآمدگی کیس کے فیصلے پر مسرت کا اظہار کرتے ہوئے کہا ہے کہ رانا ثنا اللہ تمام سیاسی کارکنان کے لیے ایک مثال ہیں۔

رانا ثنا اللہ کے خلاف دائر منشیات برآمدگی کیس کے فیصلے پر ردعمل دیتے ہوئے شہباز شریف نے کہا کہ ن لیگ کے رہنماؤں کو نیازی کے دور حکومت میں انتقام کا نشانہ بنایا گیا ، رانا ثنا اللہ کا کیس بدترین سیا سی انتقام کی مثال ہے۔


مزید پڑھیں: وزیر داخلہ رانا ثناءاللہ منشیات کیس میں بری

انہوں نے کہا کہ رانا ثنا اللہ نے تحمل کے ساتھ ان الزامات کا سامنا کیا، رانا ثنا اللہ تمام سیا سی ورکرز کے لیے ایک مثال ہیں۔