سوئی سدرن نے ناشتے اور کھانے کے اوقات میں گیس فراہمی کی یقین دہانی کرادی
گھریلو صارفین کے لیے صبح 6 سے 9، دوپہر 12 سے 2 اور شام 6 سے 9 بجے سوئی گیس فراہم کی جائے گی، ایس ایس جی سی
—فائل فوٹو
ایس ایس جی سی کی جانب سے جاری عوامی نوٹس میں کہا گیا کہ وزیراعظم کی ہدایات کے مطابق کھانے کے اوقات میں دن میں تین مرتبہ گیس کی فراہمی کو یقینی بنایا جائے گا۔
علاوہ ازیں سوئی گیس کمپنی کی جانب سے کہا گیا کہ ملک کے گیس کے ذخائر میں مسلسل کمی اور توانائی کی چیلنجنگ عالمی صورتحال کی وجہ سے سوئی سدرن کو اپنے سسٹم میں نمایاں کمی کا سامنا ہے۔
ایس ایس جی سی کے مطابق سوئی سدرن اپنے گھریلو صارفین کو کھانا پکانے کے اوقات کے دوران دیے گئے شیڈول کے مطابق گیس فراہم کرے گی۔