ڈی ایچ اے میں ملزم سے مختلف اقسام کی 137 شراب کی بوتلیں برآمد

اینٹی نارکوٹکس فورس نے ڈی ایچ اے کے قریب کارروائی کے دوران ملزم سے مجموعی طور پر مختلف اقسام کی 137 شراب کی بوتلیں برآمد کرلیں۔
ترجمان کے مطابق اے این ایف کی جانب سے منشیات کے خلاف کارروائیوں کا سلسلہ جاری ہے، خفیہ اطلاع پر ڈی ایچ اے کے قریب کارروائی عمل میں لائی گئی، جس کے دوران گھوٹکی کے رہائشی ملزم سے مجموعی طور پر مختلف اقسام کی 137 شراب کی بوتلیں برآمد کی گئیں۔


باچا خان انٹرنیشنل ائیرپورٹ پشاور پر فلائٹ نمبر PA 601 سے دوحہ جانے والےمُلزم کے پیٹ سے 100 چرس بھرے کیپسولز برآمدکرکے سوات کے رہائشی ملزم کو گرفتارکرلیا گیا۔

علاوہ ازیں کارخانو مارکیٹ کے قریب کاروائی کرتے ہوئے خیبر کے رہائشی ملزم سے ایک کلو 800 گرام آئس برآمد کی گئی،مُلزمان کیخلاف انسدادِ منشیات ایکٹ کے تحت مقدمات درج کرلیے گئے۔