نجم سیٹھی کی پی سی بی کمیٹی میں آمدعلی سیٹھی پی ایس ایل ترانے سے محروم

نجم سیٹھی کی پاکستان کرکٹ بورڈ کی کمیٹی میں شمولیت معروف گلوکار علی سیٹھی کےلیے نقصان کا باعث بن گئی۔

ایکسپریس نیوز کے مطابق نجم سیٹھی کا پی سی بی میں آنا علی سیٹھی کا نقصان کرا گیا، معروف گلوکار والد کے چیئرمین بننے پر پی ایس ایل کا ترانہ نہیں بنا سکیں گے۔


ذرائع کا کہنا ہے کہ سابقہ مینجمنٹ کے بعض آفیشلز پاکستان سپر لیگ سیزن ایٹ کے ترانے کیلئے علی سیٹھی سے رابطے میں تھے، جس کےلیے وہ امریکا سے لاہور بھی آگئے مگر نجم سیٹھی نے مینجمنٹ کمیٹی کی سربراہی سنبھالنے پر اقربا پروری کے الزام سے بچنے کیلیے علی سیٹھی سے معاملات معطل کرادیئے۔

علی سیٹھی سے معاملات معطل ہونے کے بعد پی سی بی اب پی ایس ایل اینتھم کے لیے دیگر آپشنز پر غور کر رہا ہے۔