لاہور 12سال کی لڑکی سے 45 سال کے شخص کی شادی کی کوشش

12 سال کی لڑکی سے 45 سال کے شخص کے ساتھ نکاح کی کوشش ناکام بنادی گئی۔ پولیس نے پڑوسیوں کی اطلاع پر بارات پہنچنے سے قبل ہی چھاپہ مارکر والدہ کو گرفتارکرلیا۔

لاہور کے علاقے مصری شاہ ميں تسمیہ کوثر نے اپنی 12 سال کی بيٹی فرزانہ کوثر کا نکاح 45 سال کے رکشہ ڈرائیور سے طے کردیاتھا جس کے بعد آج اس کے نکاح کی تقریب جاری تھی کہ پڑوسیوں نے پولیس کو اطلاع کردی جس پرپولیس نے کارروائی کرتے ہوئے زبردستی نکاح کی یہ کوشش ناکام بنادی۔

لڑکی کے رشتہ داروں کا کہنا ہے کہ ماں نے رقم لے کر بچی کا نکاح کرانے کی کوشش کی۔ دوسری جانب بچی کی والدہ کا دعویٰ ہے کہ اس نے کوئی جرم نہیں کیا اورنہ ہی بچی کے نکاح کے عوض کسی سےکوئی رقم لی۔