پاکستان کو ٹیکس نیٹ میں اضافہ کرنا ہوگا آئی ایم ایف

آئی ایم ایف نے کہا ہے کہ پاکستان کو ٹیکس نیٹ میں اضافہ کرنا ہوگا جبکہ توانائی کے شعبے میں اصلاحات پر تیزی سے عملدرآمد کی ضرورت ہے۔


اس امر کا اظہار بین الاقوامی مالیاتی فنڈ کی طرف سے گذشتہ روز جاری کردہ عالمی اقتصادی جائزہ رپورٹ میں کیا گیا ہے۔ رپورٹ کے مطابق پاکستان میں ٹیکس ٹو جی ڈی پی کی شرح انتہائی کم ہے جبکہ ملک میں مالیاتی نظم و ضبط برقرار رکھنے کیلیے اقدامات کرنا ہوں گے۔ علاوہ ازیں انتہائی غریب طبقے کے تحفظ کو یقینی بنانا ہوگا۔ آئی ایم ایف نے کہا ہے کہ اسٹیٹ بینک کو زرمبادلہ کے ذخائر کو مزید مستحکم کرنا ہو گا۔