راولپنڈی میں گیارہ سالہ بچی سے زیادتی

راولپنڈی کے تھانہ صدر واہ کے علاقہ میں لوسر شرفو میں 11سالہ بچی سے مبینہ زیادتی ، نامعلوم موٹرسائیکل سوار کو بچی کو مبینہ زیادتی بنانے کے بعد علاقے میں چھوڑ کر فرار ہوگیا پولیس نے اطلاع ملنے پر بچی کا میڈیکل کرانے کے بعد قانونی کاروائی کا آغاز کردیا۔

پولیس کے مطابق پولیس ایمرجنسی پر ون فائیو پر گیارہ سالہ بچی کے اغوا کے بعد مبینہ زیادتی کانشانہ بنائے کی اطلاع موصول ہوئی جس پر اہلکار موقع پر پہنچے جہاں بچی کے ورثہ نے بتایاکہ بچی سے ملنے والی معلومات کے مطابق بتایا کہ نامعلوم موٹرسائیکل سوار لوسر شرفو کے قریب سے بہانے سے بچی کو موٹرسائیکل پر بٹھا کر نامعلوم مقام پر لے گیا اور مبینہ زیادتی کا نشانہ بنایا اور لوسر شرفو کے قریب چھوڑ کر فرار ہوگیا۔


پولیس حکام کے مطابق بچی رکشے میں بیٹھ کر قریبی ہسپتال پہنچی جہاں سے اطلاع ملنے پر پولیس نے بچی کو میڈیکل کے لیے واہ جنرل اسپتال منتقل کیا۔ سی پی او سید شہزاد ندیم بخاری نے واقعہ کا سخت نوٹس لیکر ایس ایس پی انوسٹی گیشن اور ایس پی پوٹھوہار کو فوری موقعہ پر پہنچنے اور ملزم کو فوری تلاش کرکے گرفتار کرنے کا حکم جاری کردیا۔

سی پی او راولپنڈی شہزاد ندیم بخاری کا کہناتھا کہ واقعہ کی تحقیقات کی جا رہی ہیں، ملزم کو ٹریس کرکے گرفتار کرنے کے لیے ٹیمیں تشکیل دی گئی ہیں، سی پی او راولپنڈی کا مزید کہناتھا کہ بچوں سے زیادتی پر زیروٹالیرنس پالیسی ہے ملوث ملزم کو گرفتار کرکے قرار واقعی سزادلوائے جائے گی۔۔۔۔