شکست کے بعد حفیظ کو قربانی کا بکرا بنایا گیا عامر سہیل
پی سی بی اس وقت بدترین حالات سے دوچار ہے مگر حکام کو فکر نہیں کہ وہ جو کررہے ہیں اس کا نقصان پاکستان اورکرکٹ کو ہوگا
پی سی بی کی نئی پلاننگ کے بعد قومی ٹیم مزید تباہی کی طرف جانے والی ہے،سابق کپتان فوٹو: ٹی ایم این/فائل
QUETTA:
سابق کپتان عامر سہیل نے کہا ہے کہ ورلڈ ٹی 20 میں شکست کے بعد کپتان محمد حفیظ کو قربانی کا بکرا بنایا گیا۔
عامر سہیل کا کہنا تھا کہ کپتان کو عہدے سے الگ کرنے والے اب کرکٹ بورڈ جو پلاننگ کر رہا ہے اس کے بعد ٹیم مزید تباہی کی طرف جانے والی ہے، چہرے بدل جائیں گے مگر اندرون خانہ کارروائیاں اسی طرح چلتی رہیں گی۔ انھوں نے کہا کہ پی سی بی اس وقت بدترین حالات سے دوچار ہے مگر حکام کو فکر تک نہیں کہ وہ جو کچھ کررہے ہیں اس کا نقصان پاکستان اورکرکٹ کو ہوگا۔
سابق کپتان نے کہا کہ قول و فعل میں تضاد خرابیوں کی اصل جڑ ہے، حکومتی فیصلے نے پاکستان کرکٹ کو ناقابل تلافی نقصان پہنچایا، اس کا ایک عکس ورلڈ ٹی ٹوئنٹی میں بھی دیکھنے کو ملا جہاں پاکستانی ٹیم پہلی بار سیمی فائنل کھیلنے سے محروم رہ گئی، عامر سہیل نے کہا کہ یہ منطق ہی سراسر غلط ہے کہ چیرمین پی سی بی کو بھلا کون سا میدان میں جا کرکھیلنا ہو گا،کیونکہ جب ایک ادارے میں کوئی نظام ہی موجود نہیں اور سربراہ یہ جانتا ہی نہ ہوگا کہ کون سا فیصلہ کب اور کس طرح کرنا ہے تو تباہی کے سوا کچھ نہیں ہوسکتا۔
واضح رہے کہ عامر سہیل کو نجم سیٹھی نے چیف سلیکٹر کے عہدے سے ہٹادیا تھا۔
سابق کپتان عامر سہیل نے کہا ہے کہ ورلڈ ٹی 20 میں شکست کے بعد کپتان محمد حفیظ کو قربانی کا بکرا بنایا گیا۔
عامر سہیل کا کہنا تھا کہ کپتان کو عہدے سے الگ کرنے والے اب کرکٹ بورڈ جو پلاننگ کر رہا ہے اس کے بعد ٹیم مزید تباہی کی طرف جانے والی ہے، چہرے بدل جائیں گے مگر اندرون خانہ کارروائیاں اسی طرح چلتی رہیں گی۔ انھوں نے کہا کہ پی سی بی اس وقت بدترین حالات سے دوچار ہے مگر حکام کو فکر تک نہیں کہ وہ جو کچھ کررہے ہیں اس کا نقصان پاکستان اورکرکٹ کو ہوگا۔
سابق کپتان نے کہا کہ قول و فعل میں تضاد خرابیوں کی اصل جڑ ہے، حکومتی فیصلے نے پاکستان کرکٹ کو ناقابل تلافی نقصان پہنچایا، اس کا ایک عکس ورلڈ ٹی ٹوئنٹی میں بھی دیکھنے کو ملا جہاں پاکستانی ٹیم پہلی بار سیمی فائنل کھیلنے سے محروم رہ گئی، عامر سہیل نے کہا کہ یہ منطق ہی سراسر غلط ہے کہ چیرمین پی سی بی کو بھلا کون سا میدان میں جا کرکھیلنا ہو گا،کیونکہ جب ایک ادارے میں کوئی نظام ہی موجود نہیں اور سربراہ یہ جانتا ہی نہ ہوگا کہ کون سا فیصلہ کب اور کس طرح کرنا ہے تو تباہی کے سوا کچھ نہیں ہوسکتا۔
واضح رہے کہ عامر سہیل کو نجم سیٹھی نے چیف سلیکٹر کے عہدے سے ہٹادیا تھا۔