بھارت میں ہندوانتہاپسند  بے لگام مسلمان کے گھر پرمورتی لگانے کی کوشش

بھارت میں بے لگام ہندو انتہاپسندوں نے مسلمان شخص کے گھر کی چھت پر مورتی لگانے کی کوشش کی۔

بھارتی میڈیا کے مطابق ریاست مدھیہ پردیش کے علاقے کھنڈوا میں ہندو انتہاپسندوں نے مسلمان شخص کے گھر پر دھاوا بول دیا اور چھت پر چڑھ کر اپنے بھگوان کی مورتی لگانے کی کوشش کی۔ مسلمانوں کی جانب سے انتہاپسندوں کو روکنے کی کوشش کے دوران انہیں تشدد کا نشانہ بنایا گیا۔ پولیس نے حملہ آوروں کو گرفتار نہیں کیا۔


دوسری جانب مدھیہ پردیش میں ہی ایک اورواقعہ میں بھارت میں ہندوا انتہاپسندوں نے چرچ کو آگ لگا دی اور دیواروں پر مذہبی نعرے لکھ دئیے۔میڈیا رپورٹس کا کہنا ہے کہ ہندوانتہاپسندوں کے گروپ نے گرجا گھر پردھاوا بول دیا۔ توڑ پھوڑ کی اور آگ لگا دی۔ انتہاپسندوں نے دیواروں پر ہندوؤں کے بھگوان کا نام بھی لکھا۔

پولیس حکام کا کہنا ہے کہ چرچ 5 سال پہلے تعمیر کیا گیا تھا۔ انتہاپسند عمارت پر لگی حفاظتی جالی کو کاٹ کر اندر داخل ہوئے۔ ہندوانتہاپسندوں نے مذہبی اوراق بھی نذر آتش کیے۔