بھارتی اداکارہ سونم باجوہ رواں برس پاکستان آئیں گی
اداکارہ پاکستانی فنکاروں سجل علی اور پاکستانی ڈرامے ’میرے پاس تم ہو‘ کیلئے پسندیدگی کا اظہار بھی کرچکی ہیں
فوٹو: ٹویٹر
بھارتی ماڈل اور اداکارہ سونم باجوہ نے کہا ہے کہ وہ رواں برس پاکستان کا دورہ کریں گی۔
ٹویٹر پر سوال جواب کی نشست میں ایک مداح نے اداکارہ سے درخواست کی کہ وہ پاکستان کا دورہ کریں تو سونم باجوہ نے اس کو جواب دیا کہ میں اسی برس پاکستان آرہی ہوں۔
ٹویٹر پر سوال جواب کی نشست میں ایک مداح نے اداکارہ سے درخواست کی کہ وہ پاکستان کا دورہ کریں تو سونم باجوہ نے اس کو جواب دیا کہ میں اسی برس پاکستان آرہی ہوں۔
Iss saal aavange https://t.co/v3SYy2ZycJ
یہ پہلا موقع نہیں ہے کہ اداکارہ نے پاکستان کیلئے اپنی خواہشات کا اظہار کیا ہے اس سے قبل وہ ایک ریڈیو انٹرویو میں کہہ چکی ہیں کہ اگر فواد خان کی شادی نہ ہوتی تو وہ اس کے ساتھ ڈیٹ پر جانے کیلئے تیار تھیں۔
یہ بھی پڑھیں : بھارتی اداکارہ کا پاکستانی اسٹار فواد خان سے محبت کا اعتراف
سونم باجوہ اس قبل پاکستانی فنکاروں سجل علی اور پاکستانی ڈرامے 'میرے پاس تم ہو' کیلئے پسندیدگی کا اظہار بھی کرچکی ہیں۔
واضح رہے کہ اداکارہ نے انڈیا کی مختلف فلموں میں کام کیا ہے اور انہوں نے اپنے کیریئر کا آغاز 2013 میں کیا تھا۔