کراچی میں پولیس گاڑی کی ٹکر سے 10 سالہ بچہ جاں بحق

سپرہائی وے جمالی پل کے قریب مبینہ طور پر پولیس کی گاڑی کی ٹکر سے ایک بچہ جاں بحق جبکہ ایک خاتون سمیت دو بچے زخمی ہوگئے۔

ایکسپریس نیوز کے مطابق سائٹ سپر ہائی وے تھانے کی حدود جمالی پل پر پولیس نمبر پلیٹ کی گاڑی میں سوار ڈرائیور کی ٹکر سے دس سالہ محسن ولد شاہ وزیر جاں بحق ہوگیا جبکہ ایک ہی خاندان کے تین افراد زخمی ہوگئے۔


پولیس کے مطابق عائشہ دختر شاہ وزیر اپنے بچوں کے ہمراہ سڑک پر موجود تھیں کہ تیز رفتار گاڑی کی ٹکر سے ایک بچہ جاں بحق اور خاتون اور دو بچے زخمی ہوگئے جنہیں طبی امداد کیلئے ہسپتال منتقل کردیا گیا۔

ذرائع کے مطابق متاثرہ افراد پولیس افسر کی گاڑی کے نیچے کچلے گئے، حادثے کا سبب بننے والی گاڑی ایس پی کے نام پر ہے جس کی تحقیقات کی جارہی ہیں ۔