کپتان کی تبدیلی کینگروز کو راس آگئی آسٹریلیا نے بھارت کو گھر میں شکست دیدی

آسٹریلیا نے بھارت کو تیسرے ٹیسٹ میچ میں 9 وکٹوں سے شکست دیکر آئی سی سی ٹیسٹ چیمپئن شپ کے فائنل کا ٹکٹ پالیا۔

اندور میں کھیلے گئے ٹیسٹ میچ میں آسٹریلیا نے بھارت کیخلاف جارحانہ حکمت عملی اپنائی، پہلے بیٹنگ کرتے ہوئے بھارتی ٹیم پہلی اننگز میں 109 رنز بناکر ڈھیر ہوگئی تھی جبکہ آسٹریلیا نے 197 رنز بنائے اور 88 رنز کی برتری حاصل کرلی تاہم دوسری اننگز میں بھارتی سورما محض 163 رنز بناکر پویلین لوٹ گئے اور کینگروز کو 76 رنز کا ہدف ملا۔

آسٹریلیا نے جارحانہ کھیل پیش کرتے ہوئے ہدف ٹیسٹ میچ کے تیسرے روز ایک وکٹ کے نقصان پر حاصل کرلیا۔


مزید پڑھیں: کرکٹ آسٹریلیا نے بھارت کیخلاف تیسرے ٹیسٹ سے قبل کپتان تبدیل کردیا

میچ میں آسٹریلیا کی جانب سے نتھین لائن نے 11 وکٹیں حاصل کیں جبکہ میتھیو کوہنیمن نے 6 وکٹیں اپنے نام کیں۔

آئی سی سی ٹیسٹ چیمپین شپ کا فائنل کیلئے بھارتی ٹیم کو چوتھے ٹیسٹ میں لازمی فتح درکار ہے تاہم اگر میچ ڈرا یا ہارنے کی صورت میں بھارت کے فائنل کھیلنے کے امکانات کو دھچکا لگ سکتا ہے۔