سعودی سول ایوی ایشن نے مقررہ سائز سے بڑے بیگز پر پابندی لگادی

سعودی سول ایوی ایشن نے مقررہ سائز سے بڑے بیگ لے جانے پر پابندی لگادی۔

جنرل اتھارٹی آف سول ایوی ایشن (گاکا) نے نئے ہدایت نامے کا نوٹیفکیشن جاری کردیا جس میں ہدایت کی گئی کہ تمام ائیر لائنز مسافروں کے مقررہ سائز سے زیادہ بیگ لوڈ کرنے سے اجتناب کریں، صرف مقررہ حد کےوزن کےسامان والے بیگز کو طیارے میں بھیجا جائے۔


گاکا نے کہا کہ کچھ ایئر لائنز مسافروں کا مقررہ حد سے زیادہ سائز میں سامان وصول کرتی ہیں، ہدایت نامے کی خلاف ورزی پر ائیر لائنز کیخلاف سخت کارروائی ہوگی۔

گاکا نے مزید کہا کہ ٹکٹ جاری کرتےوقت سامان کے وزن اور سائز کی مقررہ حد واضح لکھی جائے، مقررہ سائز سے بڑے بیگ سے طیارے میں تکنیکی طور پر مشکلات ہوتی ہیں۔