گوجرانوالا میں اٹلی پلٹ نوجوان کی شادی میں ڈالرز اور موبائل نچھاور

اٹلی پلٹ نوجوان کی شادی میں دوستوں اور رشتے داروں نے ڈالرز کی برسات کردی۔

گوجرانوالہ میں اٹلی پلٹ نوجوان گلفام کی شادی میں دلہا کے دوست اور عزیزوں نے ڈالر سمیت غیر ملکی اور پاکستانی روپے نچھاور کیے۔ علاوہ ازیں دلہا کے دوستوں نے باراتیوں اور لوگوں میں موبائل فونز اور سوٹ بھی لٹائے۔


اس موقع پر علاقہ مکینوں کی بڑی تعداد کرنسی نوٹ اور قیمتی تحائف جمع کرنے میں مصروف تھی جبکہ باراتی بھی کسی سے پیچھے نہیں رہے۔

بارات میں شرکت کرنے والوں کا کہنا تھا کہ انہوں نے ایسی شادی پہلے کبھی نہیں دیکھی جس میں پیسے اور قیمتی تحائف لٹائے گئے ہوں۔