لاہور ڈاکوؤں نے معذور بیوہ خاتون کو زندگی بھر کی جمع پونجی سے محروم کردیا
بہت غریب ہوں، میری بالیاں واپس دلوائی جائیں، خاتون کی روتے ہوئے آئی جی پنجاب سے اپیل
فوٹو: ایکسپریس
تھانہ گجر پورہ کا علاقہ ڈاکوؤں کا گڑھ بن گیا، ڈاکو گھر کے باہر بیٹھی معذور بیوہ خاتون سے زندگی بھر کی جمع پونجی لوٹ کر فرار ہوگئے۔
ایکسپریس نیوز کے مطابق گجرپورہ شمس آباد کوٹ خواجہ سعید کے علاقے میں 60 سالہ معذور و بیوہ کبریٰ بی بی کو اسکے گھر کے باہر ڈاکوؤں نے زندگی بھر کی جمع پونجی سے محروم کردیا۔
کبریٰ بی بی نے بتایا کہ وہ گلی میں بیٹھی تھی کہ دو نوجوان لڑکے زبردستی اسکی سونے کی بالیاں چھین کرلے گئے اور بالیاں اتارتے ہوئے اسکے کانوں کو بھی زخمی کردیا۔
خاتون نے بتایا کہ واردات کے بعد 15 پر کال کی تو کچھ دیر بعد پولیس پہنچی اور کہا ہم اب کچھ نہیں کرسکتے۔
خاتون کا کہنا ہے کہ میں بہت غریب ہوں اور مجھے میری بالیاں واپس دلوائی جائیں، میری کانوں کی دو بالیاں ہی میری زندگی بھر کی جمع پونجی تھی۔
کبریٰ بی بی نے روتے ہوئے آئی جی پنجاب اور سی سی پی او لاہور سے اپیل کی کہ ڈکیتی کا مقدمہ درج کرکے ملزمان کو فوری گرفتار کیا جائے۔
ایکسپریس نیوز کے مطابق گجرپورہ شمس آباد کوٹ خواجہ سعید کے علاقے میں 60 سالہ معذور و بیوہ کبریٰ بی بی کو اسکے گھر کے باہر ڈاکوؤں نے زندگی بھر کی جمع پونجی سے محروم کردیا۔
کبریٰ بی بی نے بتایا کہ وہ گلی میں بیٹھی تھی کہ دو نوجوان لڑکے زبردستی اسکی سونے کی بالیاں چھین کرلے گئے اور بالیاں اتارتے ہوئے اسکے کانوں کو بھی زخمی کردیا۔
خاتون نے بتایا کہ واردات کے بعد 15 پر کال کی تو کچھ دیر بعد پولیس پہنچی اور کہا ہم اب کچھ نہیں کرسکتے۔
خاتون کا کہنا ہے کہ میں بہت غریب ہوں اور مجھے میری بالیاں واپس دلوائی جائیں، میری کانوں کی دو بالیاں ہی میری زندگی بھر کی جمع پونجی تھی۔
کبریٰ بی بی نے روتے ہوئے آئی جی پنجاب اور سی سی پی او لاہور سے اپیل کی کہ ڈکیتی کا مقدمہ درج کرکے ملزمان کو فوری گرفتار کیا جائے۔