ہنسی کا طوفان لیے ہیرا پھیری 3 میں سنجے دت بھی انٹری دیں گے
یہ کافی اہم کردار ہوگا ۔ کچھ ایسا ہی ہے جیسا 2007 کی کامیڈی فلم ویلکم میں فیروز خان کا کردار تھا
(فائل فوٹو)
بالی ووڈ کی مشہور فلم سیریز ہیرا پھیری کے تیسرے حصے میں سنجے دت بھی اداکاری کے جوہر دکھاتے نظر آئیں گے۔
بھارتی میڈیا کی رپورٹ کے مطابق ہیرا پھیری 3 میں اشے کمار، سنیل شیٹی اور پریش راول سمیت مزید دو اداکار بھی انٹری دیں گے جن میں بھول بھولیاں 2 کے کارتک آریان اور سنجے دت شامل ہیں۔
سنجے دت ہیرا پھیری 3 میں ایک نابینا ڈان کا کردار نبھائیں گے۔ سنجے دت کے کردار کے بارے میں بھارتی میڈیا کے ذرائع کا کہنا ہے کہ 'یہ کافی اہم کردار ہوگا ۔ کچھ ایسا ہی ہے جیسا 2007 کی کامیڈی فلم ویلکم میں فیروز خان کا کردار تھا۔ لہذا یہ بھی ایک پیارا ڈان ہو گا۔
بھارتی میڈیا کی رپورٹ کے مطابق ہیرا پھیری 3 میں اشے کمار، سنیل شیٹی اور پریش راول سمیت مزید دو اداکار بھی انٹری دیں گے جن میں بھول بھولیاں 2 کے کارتک آریان اور سنجے دت شامل ہیں۔
سنجے دت ہیرا پھیری 3 میں ایک نابینا ڈان کا کردار نبھائیں گے۔ سنجے دت کے کردار کے بارے میں بھارتی میڈیا کے ذرائع کا کہنا ہے کہ 'یہ کافی اہم کردار ہوگا ۔ کچھ ایسا ہی ہے جیسا 2007 کی کامیڈی فلم ویلکم میں فیروز خان کا کردار تھا۔ لہذا یہ بھی ایک پیارا ڈان ہو گا۔
سنجے دت نے مزید کہا کہ 'میرا رشتہ بھی بہت پرانا ہے اور میرے پروڈیوسر فیروز ناڈیاڈوالا کے ساتھ گہرے تعلقات ہیں'۔
کامیڈی بلاسٹر فلم ہیرا پھیری 3 میں کارتک آریان کے کردار کی تصدیق گزشتہ سال ہوئی تھی لیکن یہ ابھی تک واضح نہیں ہو سکا کہ وہ فلم میں کونسا کردار کرنے والے ہیں۔
یاد رہے کہ پریہ درشن کی ہدایتکاری میں بننے والی ہیرا پھیری 2000 میں ریلیز کی گئی تھی جس کے بعد 2006 میں اس کا سیکوئل ریلیز کیا گیا اور اب اس کا تیسرا حصہ شوٹنگ کے مراحل میں داخل ہو چکا ہے۔