بابراعظم کپتان ہیں انہیں عمر اکمل کے کم بیک کا دیکھنا ہے سابق کرکٹر

قومی کرکٹ ٹیم کے سابق کپتان اور پاکستان سپر لیگ (پی ایس ایل) کے آٹھویں ایڈیشن میں پشاور زلمی کے بیٹنگ کوچ کامران اکمل کا کہنا ہے کہ انکے بھائی عمر اکمل کے ساتھ ناانصافی کی جارہی ہے۔

رمضان کرکٹ ٹورنامنٹ کے دوران مقامی میڈیا سے بات کرتے ہوئے کامران اکمل نے کہا کہ ورلڈکپ اور ایشیاکپ قریب ہے میرے خیال ٹیم کو مڈل آرڈر میں عمر اکمل پلئیر کا ہونا ضروری ہے، وہ اپنی کارکردگی سے سلیکشن کمیٹی، کوچنگ اسٹاف اور کپتان بابراعظم پر زور دے رہے ہیں کہ انکی صلاحیتوں کو پہنچانیں۔

انہوں نے کہا کہ چونکہ ٹیم کا انتخاب کپتان کی منظوری کی بنیاد پر کیا جاتا ہے، اس لیے عمر کو مناسب موقع دینا ضروری ہے۔ اگر عماد وسیم کارکردگی کی بنیاد پر کم بیک کرسکتے ہیں تو پھر عمر اکمل کیوں نہیں۔


مزید پڑھیں: کامران اکمل نے قومی ٹیم کی افغانستان سے شکست کیوجہ بتادی

کامران اکمل نے انٹرنیشنل کرکٹ میں پابندی کے بعد میدان میں واپسی کے شاندار سفر کی تعریف کرتےہوئے کہا کہ انکی واپسی بہت مشکل تھی جس کیلئے اس نے برسوں جدوجہد کی۔