لندن میں برطانوی انتہا پسند تنظیم کا نماز جمعہ کے دوران مسجد پر دھاوا
انگلش ڈیفنس لیگ کےکارکنوں نےمسجدکو گھیرےمیں لےکراسلام مخالف نعرےبازی کی تاہم پولیس نےصورتحال کنٹرول کوکنٹرول کرلیا۔
پولیس کی جانب سے ہیلی کاپٹر کی مدد سے مظاہرین کی نگرانی بھی کی گئی۔ فوٹو: فائل
دنیا کو تحمل اور برداشت کا درس دینے والے برطانیہ میں ایک انتہاپسند اور نسل پرست تنظیم انگلش ڈیفنس لیگ نے نماز جمعہ کے دوران مسجد کو گھیرے میں لے کراسلام مخالف شدید نعرے بازی کی۔
ایکسپریس نیوز کے مطابق برطانیہ کی نسل پرست تنظیم انگلش ڈیفنس لیگ کے کارکنوں کی بڑی تعداد نے ریجنٹس پارک مسجد پر اس وقت دھاوا بولا جب مسجد میں نماز جمعہ ادا کی جارہی تھی، اس موقع پر انتہا پسند نسل پرست تنظیم کے کارکنوں نے اسلام مخالف نعرے بازی بھی کی۔ اس تمام تر صورتحال کے دوران نمازیوں اورانگلش ڈیفنس لیگ کے کارکنوں کے درمیان تصادم کے خدشہ کے پیش نظر پولیس اہلکاروں کی بڑی تعداد موقع پر پہنچ گئی جبکہ ہنگامی طور پر ہیلی کاپٹر کی مدد سے بھی مظاہرین کی نگرانی کی گئی تاہم بعدازاں پولیس نے مظاہرین کومنتشر کردیا۔