ایشیا کپ نجم سیٹھی نے بھارت کو تجویز دے دی
ہم نے تجویز دی ہے کہ بھارت اپنے میچ نیوٹرل وینیو پر کھیل لے،پاکستانی ٹیم اپنے ملک میں کھیلے گی، چیئرمین مینجمنٹ کمیٹی
فوٹو: فائل
چیئرمین پی سی بی مینجمنٹ کمیٹی نجم سیٹھی کاکہنا ہے کہ ہمیں نیوٹرل وینیو پر ایشیا کپ کھیلنے کے مشورے دیے جارہے ہیں۔
ایک پریس کانفرنس کے دوران نجم سیٹھی نے کہا کہ پاکستان نے تجویز پیش کی ہے کہ بھارت اپنے ایشیا کپ کے میچ نیوٹرل مقام پر کھیلے جبکہ پاکستانی ٹیم دوسری ٹیموں کے ساتھ پاکستان ہی میں کھیلے گی۔ نجم سیٹھی نے کہا کہ یہ تجویز ایشین کرکٹ کونسل کو بھیج دی گئی ہے۔
واضح رہے کہ بھارتی کرکٹ بورڈ سیاسی تناؤ کی وجہ سے ٹیم کو پاکستان بھیجنے سے انکار کرچکا ہے اور اس نے ٹورنامنٹ کو نیوٹرل وینیو پر منتقل کرنے کی درخواست کررکھی ہے۔
چیئرمین پی سی بی مینجمنٹ کمیٹی نے پریس کانفرنس کرتے ہوئے مزید کہا کہ ہم نے اس ہائبرڈ ماڈل کے تحت ایشیا کپ کھیلنے کا فیصلہ کیا ہے کہ پاکستان اپنے میچ ہوم گرائونڈز پر کھیلے گا جبکہ بھارت اپنے میچ نیوٹرل وینیو پر کھیلے۔ ہم نے یہ تجویزایشین کرکٹ کونسل کو بھیج دی ہے۔
نجم سیٹھی نے امید ظاہر کی کہ آئندہ ماہ وزیرخارجہ بلاول بھٹو زرداری کےشنگھائی کو آپریشن آرگنائزیشن میں شرکت کے لیے بھارت کے دورے سے دونوں ممالک کے دو طرفہ تعلقات میں بہتری آئے گی۔
انہوں نے مزید کہا کہ ہم سے کہا گیا ہے کہ ممکن ہے کہ تعلقات پر جمی برف پگھلتی رہی، اور اگر ایسا ہوتا ہے تو بھارت پاکستان میں 2025 میں ہونےو الی چیمپیئنز ٹرافی میں کھیلنے پر غور کرے گا۔ چنانچہ ہم سے کہا جارہا ہے کہ ہم ایشیا کپ نیوٹرل وینیو پر کھیلیں اور ورلڈ کپ کھیلنے کے لیے بھارت بھی جائیں۔
نجم سیٹھی کا کہنا تھا کہ پاکستانی عوام چاہتے ہیں کہ بھارت کے ساتھ کرکٹ میچ برابری کی بنیاد پر کھیلے جائیں۔
چیئرمین پی سی بی مینجمنٹ کمیٹی کا کہنا تھا کہ حکومت نے بھارت کے خلاف کھیلنے کے حوالے سے کوئی پابندیاں نہیں لگائیں، مگر عوامی جذبات اس وقت یہ ہیں کہ ہم ضرورت مند نہیں ہیں، ہم مالی طور پر اپنے پاؤں پر کھڑا ہوسکتے ہیں اور بھارت کے ساتھ عزت و وقار کے ساتھ کرکٹ کھیلنا چاہتے ہیں۔
نجم سیٹھی نے مزید کہا کہ ہم اس سلسلے میں ایشین کرکٹ کونسل سے بھی مذاکرات کررہے ہیں۔
ایک پریس کانفرنس کے دوران نجم سیٹھی نے کہا کہ پاکستان نے تجویز پیش کی ہے کہ بھارت اپنے ایشیا کپ کے میچ نیوٹرل مقام پر کھیلے جبکہ پاکستانی ٹیم دوسری ٹیموں کے ساتھ پاکستان ہی میں کھیلے گی۔ نجم سیٹھی نے کہا کہ یہ تجویز ایشین کرکٹ کونسل کو بھیج دی گئی ہے۔
واضح رہے کہ بھارتی کرکٹ بورڈ سیاسی تناؤ کی وجہ سے ٹیم کو پاکستان بھیجنے سے انکار کرچکا ہے اور اس نے ٹورنامنٹ کو نیوٹرل وینیو پر منتقل کرنے کی درخواست کررکھی ہے۔
چیئرمین پی سی بی مینجمنٹ کمیٹی نے پریس کانفرنس کرتے ہوئے مزید کہا کہ ہم نے اس ہائبرڈ ماڈل کے تحت ایشیا کپ کھیلنے کا فیصلہ کیا ہے کہ پاکستان اپنے میچ ہوم گرائونڈز پر کھیلے گا جبکہ بھارت اپنے میچ نیوٹرل وینیو پر کھیلے۔ ہم نے یہ تجویزایشین کرکٹ کونسل کو بھیج دی ہے۔
نجم سیٹھی نے امید ظاہر کی کہ آئندہ ماہ وزیرخارجہ بلاول بھٹو زرداری کےشنگھائی کو آپریشن آرگنائزیشن میں شرکت کے لیے بھارت کے دورے سے دونوں ممالک کے دو طرفہ تعلقات میں بہتری آئے گی۔
انہوں نے مزید کہا کہ ہم سے کہا گیا ہے کہ ممکن ہے کہ تعلقات پر جمی برف پگھلتی رہی، اور اگر ایسا ہوتا ہے تو بھارت پاکستان میں 2025 میں ہونےو الی چیمپیئنز ٹرافی میں کھیلنے پر غور کرے گا۔ چنانچہ ہم سے کہا جارہا ہے کہ ہم ایشیا کپ نیوٹرل وینیو پر کھیلیں اور ورلڈ کپ کھیلنے کے لیے بھارت بھی جائیں۔
نجم سیٹھی کا کہنا تھا کہ پاکستانی عوام چاہتے ہیں کہ بھارت کے ساتھ کرکٹ میچ برابری کی بنیاد پر کھیلے جائیں۔
چیئرمین پی سی بی مینجمنٹ کمیٹی کا کہنا تھا کہ حکومت نے بھارت کے خلاف کھیلنے کے حوالے سے کوئی پابندیاں نہیں لگائیں، مگر عوامی جذبات اس وقت یہ ہیں کہ ہم ضرورت مند نہیں ہیں، ہم مالی طور پر اپنے پاؤں پر کھڑا ہوسکتے ہیں اور بھارت کے ساتھ عزت و وقار کے ساتھ کرکٹ کھیلنا چاہتے ہیں۔
نجم سیٹھی نے مزید کہا کہ ہم اس سلسلے میں ایشین کرکٹ کونسل سے بھی مذاکرات کررہے ہیں۔