سونے کی فی تولہ قیمت میں معمولی کمی

عالمی مارکیٹ میں نرخ گرنے کے بعد ملکی سطح پر بھی سونے کی قیمت میں معمولی کمی ریکارڈ کی گئی۔

ایکسپریس نیوز کے مطابق بین الاقوامی مارکیٹ میں ہفتہ کو سونے کی فی اونس قیمت 4 ڈالرز کمی سے 1962 ڈالرز فی اونس کی سطح پر رہی۔


عالمی مارکیٹ میں سونے کے نرخوں میں کمی کے باعث مقامی سطح پر سونے کی قیمت 100 روپے کی معمولی کمی سے 2 لاکھ 22 ہزار 800 روپے ہوگئی۔

کراچی سمیت ملک کے مختلف شہروں کی صرافہ مارکیٹوں میں 10 گرام سونے کی قیمت 257 روپے کی کمی سے ایک لاکھ 91 ہزار 15 روپے رہی۔