فن لینڈ کی وزیر اعظم نے شوہر سے طلاق کا مقدمہ دائر کردیا

فن لینڈ کی وزیر اعظم سانا مارین نے اپنے شوہر مارکس رائکونن سے طلاق لینے کا فیصلہ کرلیا ہے

عالمی میڈیا رپورٹس کے مطابق فن لینڈ کی وزیر اعظم سانا مارین اور ان کے شوہر مارکس رائکونن نے سماجی رابطے کی ویب سائٹ انسٹاگرام پر اپنے اپنے اکاؤنٹ سے طلاق کی اطلاع دی۔


جوڑے نے بتایا انہوں نے طلاق کے لیے مقدمہ دائر کردیا ہے۔ جوڑے نے کہا کہ ہم اپنی شادی کے 19 سال اور اپنی پیاری بیٹی کیلئے شکرگزار ہیں۔

جوڑے کا اپنی پوسٹ میں یہ بھی کہنا تھا کہ وہ بہترین دوست ہیں اور ایک خاندان کے طور پر اور ایک دوسرے کے ساتھ وقت گزارنا جاری رکھیں گے۔

واضح رہے کہ سانا مارین 2019 کے آخر میں فن لینڈ کی وزیر اعظم بنی تھیں جبکہ 2020 کے موسم گرما میں انہوں نے مارکس رائکنن سے شادی کی۔ دونوں کی 5 سالہ بیٹی بھی ہے۔