سلمان خان کی مغربی بنگال کی وزیراعلیٰ ممتا بنرجی سے ملاقات

بالی ووڈ کے معروف اداکار سلمان خان نے ایسٹ بنگال کلب میں پرفارم کرنے سے قبل مغربی بنگال کی وزیراعلیٰ ممتا بنرجی سے ان کی رہائش گاہ پر ملاقات کی ہے۔

انڈین میڈیا کی رپورٹس کے مطابق بالی ووڈ کے دبگ خان کو مغربی بنگال میں ایک شو میں پررفارم کرنا تھا تاہم انہوں نے اس قبل وزیراعلیٰ ممتا بنرجی سے ملاقات کی، اس دوران انکا پرتپاک استقبال کیا گیا اور شال کا تحفہ پیش کیا۔

وزیرارعلیٰ سے ملاقات کے دوران سپر اسٹار کی جھلک دیکھنے کیلئے مداحوں کی بڑی تعداد ممتا بنرجی کی رہائشگاہ کے اردگرد جمع ہوگئے تھے۔


سلمان خان کے علاوہ اس شو میں سوناکشی سنہا، جیکولین فرنینڈس، پوجا ہیگڑے، گرو رندھاوا، اور منیش پال بھی اپنے پرفارمنس کا جادو جگائیں گے۔

دوسری جانب یش راج فلم کے بینر تلے ٹائیگر 3 کی شوٹنگ بھی جاری ہے، فلم میں مقبول آن اسکرین جوڑے سلمان کو کترینہ کیف کی ایک بار پھر واپسی ہوگی جبکہ عمران ہاشمی مخالف کردار ادا کریں گے۔

توقع کی جارہی ہے کہ فلم میں شاہ رخ خان بھی خصوصی طور پر نظر آئیں گے۔ منیش شرما کی ہدایت کاری میں بننے والی یہ فلم 10 نومبر 2023 کو ریلیز ہونے والی ہے۔